Havforskingsinstituttet
Havforskningsinstituttet (HI) har ein framifrå forskingsstasjon på Sauganeset med ei rekke forsøkshallar, og sjøanlegg med forsøksmerdar. Det som er særmerkja med denne stasjonen er den breie kompetansen med havforskarar og forskingsteknikarar i kombinasjon med mogelegheit til å helda marine organismar i alle livsstadier.
Stasjonen har vore ein pioner innan å ta fram marine havbruksartar som torsk, kveite, berggylt og rognkjeks, hummar, kamskjel og blåskjel. Dette er mellom anna grunna at ein kan halda stamorganismar i store kar eller merdar, og at ein kan startfôra yngel med levandefôr som naturleg dyreplankton eller artemia.
Stasjonen har også våre i front med å studera velferd hos oppdrettslaksen, og ulike metodar for å handsama lakselus. Ein har i seinare tid lagt til rette for at ulike selskap skal kunne koma å testa ut ustyr eller løysingar, så lenge det ikkje kjem i konflikt med anna aktivitet på stasjonen.
Dette skjer då til kostnadsdekkande prisar for bruk av anlegg og kompetanse.
Havforskningsinstituttet har kompetanse som syter for at ein held seg innafor gjeldande regelverk ved forsøk og utprøving av utstyr. Blått kompetansesenter vest kan vera ein kanal for grundarar og andre å koma i kontakt med eit av verdas leiande forskingsmiljø innan havbruk for å testa sine idear og løysingar.
Ta kontakt med oss om du har eit prosjekt eller ein idè som du ynskjer å utvikle i samarbeid med HI.
Sintef Ocean
SINTEF Ocean utfører forsking og innovasjon relatert til nasjonal og internasjonal aktivitet på havet. Sintef har som ambisjon å bidra til at Noreg opprettheld ei leiande posisjon når det kjem til marin teknologi og biomarin forsking. Som ein del av SINTEF konsernet jobbar dei tverrfagleg med å utvikle framtidas havbaserte løysningar i samarbeid med industripartnarar i havnæringane. SINTEF sine satsingar bidreg til å realisere framtidas berekraftige system og utnytte ressursane i havet.
Sjå her for meir informasjon om Sintef og deira prosjekt og samarbeid.
Ta kontakt med oss om du har eit prosjekt eller ein idè som du ynskjer å utvikle i samarbeid med Sintef.